Bigg Boss 8 : బిగ్ బాస్ సీజన్ 8.. బుల్లితెర ప్రేక్షకులను ఆకట్టుకునేందుకు ఎనిమిదో సీజన్ వచ్చేసింది. అయితే ఇందులో 4 వారాలు పూర్తయ్యాయి. సోషల్ మీడియా ఇన్‌ఫ్లుయెన్సర్ బెజవాడ బేబక్క మొదటి వారం, శేఖర్ బాషా రెండవ వారం, అభయ్ నవీన్ మూడవ వారం ఎలిమినేట్ అయ్యారు. నాలుగో వారంలో ఆడ పులి అని, టాప్ 5లోకి వెళ్తుందని.. హౌస్ లో మంచి కంటెంట్ ఇస్తుంది కావున కచ్చితంగా ఎలిమినేట్ కాదని పలువురు అభిప్రాయాన్ని వ్యక్తం చేశారు. కానీ పెర్ఫార్మెన్స్ లేకపోవడం.. పైగా ఓవరాక్షన్ చేయడంతో ఈ వారం బయటకు వచ్చింది. ఆమె సోనియా ఆకుల. ఇక బిగ్ బాస్ హౌస్ లో ఎలిమినేట్ అయిన తర్వాత బిగ్ బాస్ కచ్చితంగా బజ్ లోకి రావాల్సిందే. ఇక్కడకు వచ్చి ప్రేక్షకుల ప్రశ్నలకు.. హోస్ట్ అడిగే ప్రశ్నలకు సమాధానం ఇవ్వాల్సిందే. ఈ నేపథ్యంలో హోస్ట్ అర్జున్ అంబటి మాటల్లో పెట్టి సోనియా అసలు గుట్టు రట్టు చేశాడు. మొత్తానికి బిగ్ బాస్ సీజన్ 7లో తన అద్భుతమైన నటనతో ఎంతో మంది హృదయాలను దోచుకున్న అర్జున్ ఇప్పుడు బిగ్ బాస్ బజ్‌ని హోస్ట్ చేస్తూ కంటెస్టెంట్స్ నుండి అసలు నిజాన్ని బయటపెట్టే ప్రయత్నం చేస్తున్నాడు. ప్రేక్షకులు ఏమనుకుంటున్నారు? ఇంట్లో వాళ్ల పరిస్థితి ఏంటి? వంటి వాటి గురించి కూపీ లాగుతున్నాడు. ఈ క్రమంలో సోనియా ఇంట్లో తాను వేసే వేషాల గురించి చెబుతూ ఇబ్బంది పెట్టేశాడు.
ప్రస్తుతం ప్రోమో వైరల్‌గా మారింది. ఇక ప్రోమో విషయానికి వస్తే.. ఫస్ట్ వీక్ నుంచి నా స్టైల్ లో మాట్లాడుకుందాం అని అర్జున్ చెప్పడంతో.. నా స్టైల్ లోనే సమాధానం చెబుతా అంటూ సోనియా అంటుంది. హౌస్‌లో ఎవరు బెస్ట్ బాండింగ్ అని అర్జున్ అడగ్గా, ఆమె అభయ్, నిఖిల్, పృథ్వీ పేర్లు చెబుతుంది. అర్జున్, నిఖిల్ పై మీ ఫీలింగ్ ఏమిటి? అని అడగ్గా, ఇంట్లో తనలాగే, నా అన్నలాగే ఫీలయ్యానని చెప్పింది. దీంతో ‘ఇంట్లో వాళ్లను మానిప్యులేట్ చేసినట్టు.. నన్ను మానిప్యులేట్ చేయకు’ అంటూ అర్జున్ కామెంట్ చేశాడు. పృథ్వీని ఆయుధంగా వాడుకున్నావు.. ముందు నుంచి ఆట పట్టిస్తున్నారని మీరు అనుకున్నారు. కానీ వెనకాల ఉండి ఆట నడిసిస్తున్నారని మన ప్రేక్షకులు అనుకుంటున్నారు అంటూ ప్రశ్నల వర్షం కురిపించారు. దీంతో సోనియా నేను నా అనాలసిస్ చెప్పాను. అంటే అనగా అర్జున్ చేయాల్సిందంతా చేసి నాకేం తెలియదు అని కంఫర్ట్ జోన్లోకి వెళ్లి పోతారు. మీరొక పెద్ద కపట నాటక సూత్రధారి అంటూ సోనియాపై సెటైరికల్ కామెంట్ చేశారు. హౌస్ లో వీక్ పర్సన్ ఎవరని అనుకుంటున్నారని అడగ్గా.. నైనిక అంటూ సోనియా చెప్పింది.. దీంతో అర్జున్ కాదు నిఖిల్ అని మేము అనుకుంటున్నామని అన్నాడు. టాప్ 3 లో ఎవరుంటారు అంటే.. కచ్చితంగా నిఖిల్ ఉంటాడని చెప్పింది సోనియా. ప్రస్తుతం మీరు బయటకు వచ్చారు కదా మీ గైడెన్స్ లేకుండా నిఖిల్ ఆడతాడా అంటే నాకు తెలియదు అని చెప్పింది. ఒకవేళ మీరు వుంటే ఆయన టాప్ 3 కి వెళ్లేవాడా అంటే.. ఆ మాత్రం గైడెన్స్ ఇచ్చాను కాబట్టి అక్కడి వరకు వెళ్లాడని నిజం ఒప్పుకుని అందరినీ ఆశ్చర్యపరిచింది. నిఖిల్ స్మోకింగ్ మానేస్తే ఏదడిగినా ఇస్తానని ఆఫర్ ఇచ్చారు కదా. దానికి సమాధానం చెబుతారా లేక బ్లాంక్ అయ్యారా అంటూ బాంబ్ పేల్చాడు అర్జున్. మొత్తానికైతే సోనియా గుట్టు రట్టు చేసి అసలు రూపాన్ని బయటపెట్టే ప్రయత్నం చేశారు.