ఈనెల ఆగస్ట్ 15న మహేంద్ర సింగ్ ధోని తన అంతర్జాతీయ కెరీర్ కు ఫుల్ స్టాప్ పెట్టిన విషయం తెలిసిందే. దీనితో ధోని జీవితంలో జరిగిన ఎన్నో మధురస్మృతులు అభిమానులు సోషల్ మీడియాలో పంచుకుంటున్నారు. అందులో భాగంగా ధోని భారత్ జట్టుకు ఎంపికయ్యే ముందు పాకిస్థాన్-ఏ తో భారత్-ఏ ఆడిన ఒక సిరీస్ లో పాల్గొన్నారు. ఆ సిరీస్ లో ధోని సూపర్ పెర్ఫార్మన్స్ చూసి అతడిని టీమిండియాకు సెలెక్ట్ చేయడం జరిగింది. ఆ సిరీస్ లో మొత్తం ధోని 360 పరుగు చేయడం జరిగింది.

పాకిస్థాన్-ఏ తో ఒక మ్యాచ్ జరుగుతున్న సమయంలో ధోని సిక్స్ ల మీద సిక్స్ లు కొడుతూ పాకిస్థాన్ క్రికెటర్లకు ముచ్చెమటలు పట్టించాడు. ఆ మ్యాచ్ జరుగుతున్న సమయంలో పాకిస్థాన్ ఫీల్డర్ ఒకతడు ప్రేక్షకులలో ఉన్న భారత్ అమ్మాయితో పరిచయం పెంచుకున్నాడు. అతడు బౌండరీ దగ్గర ఫీల్డింగ్ చేయడం వీలు కుదిరినప్పుడల్లా ఆ అమ్మాయితో చిట్ చాట్ ఇలా చేస్తూ వారి పరిచయం కాస్త డేటింగ్ కు దారి తీసింది. మ్యాచ్ ముగిసిన తరువాత ఇద్దరు కలసి డేటింగ్ కు వెళ్లాలని నిర్ణయించుకుంటే ధోని కొట్టిన ఒక సిక్స్ నేరుగా ఆ అమ్మాయికి తగలడంతో ఆ అమ్మాయి ఆసుపత్రి పాలవ్వడంతో ఆ పాకిస్థాన్ క్రికెటర్ ఉసూరుమన్నాడు. ధోని దెబ్బకు పాకిస్థాన్ క్రికెటర్ తన డేటింగ్ ఛాన్స్ మిస్ చేసుకోవడంతో అతడు ఉసూరుమన్నాడు. ఇలా ధోని కెరీర్ లో జరిగిన అనేక సంఘటనలను ఇప్పుడు సోషల్ మీడియాలో అభిమానులు పంచుకుంటూ హల్ చల్ చేస్తున్నారు.