Bigg Boss 8: తెలుగు బుల్లితెరపై ఎవరూ ఊహించని కాన్సెప్ట్‌తో పరిచయమై.. అతి తక్కువ సమయంలోనే విపరీతమైన రెస్పాన్స్ తెచ్చుకున్న షో బిగ్ బాస్. దీంతో నిర్వాహకులు వరుస సీజన్లను తీసుకొస్తున్నారు. ఈ క్రమంలో ఈ షో ఎన్నో రికార్డులను కూడా నమోదు చేసింది. ఈ ఊపులోనే ఎనిమిదో సీజన్‌ను తీసుకొచ్చారు. ఇందులో ఎవరూ ఊహించనటువంటి సన్నివేశాలు కనిపిస్తున్నాయి. ఈ నేప‌థ్యంలో ఇటీవ‌ల ఓ ఎపిసోడ్‌లో మగ కంటెస్టెంట్ అమ్మాయిలతో అసభ్యంగా ప్రవర్తించాడు. మీ కోసం వివరాలేంటో ఓ సారి చూసేద్దాం.
బిగ్ బాస్ తెలుగులో ఇప్పటివరకు ఏడు రెగ్యులర్, ఒక OTT సీజన్లను పూర్తి చేసుకుంది. దీంతో ఎన్నో అంచనాల నడుమ బిగ్ బాస్ 8వ సీజన్ ను ఇటీవలే మొదలుపెట్టారు నిర్వాహకులు. ఇప్పుడు పాత రికార్డులను బద్దలు కొట్టేందుకు షాక్ లు, ట్విస్ట్ లు, సర్ ప్రైజ్ లు చూపిస్తూ కొత్త కొత్త ప్రయోగాలు చేస్తున్నారు. కాగా బిగ్ బాస్ ఎనిమిదో సీజన్‌లోకి 14 మంది కంటెస్టెంట్లు ప్రవేశించారు. అందులో కొందరు మాత్రమే తమ ప్రత్యేకత చాటుకొని జనాల్లో ఫేమస్ అయ్యారు. వారిలో ప్రముఖ సీరియల్ నటుడు పృథ్వీరాజ్ శెట్టి ఒకరు. మంచి ఇమేజ్ ఉన్న షోలో కంటెస్టెంట్ గా అడుగుపెట్టిన అతను మొదటి నుంచి తనదైన శైలిలో వైల్డ్ గా ప్రవర్తిస్తూ వార్తల్లో నిలుస్తున్నాడు.
ప్రస్తుత సీజన్‌లో పృథ్వీరాజ్ ప్రవర్తన తీరు ఎప్పటికప్పుడు విమర్శలకు గురిచేస్తుంది. ముఖ్యంగా అమ్మాయిలతో అతడి ప్రవర్తన అస్సలు బాగోదని కొందరు అంటున్నారు. అదే పాయింట్‌ని ఎత్తిచూపుతూ నాగార్జున కూడా ఆయనపై విమర్శలు గుప్పించారు. ఇదే కారణంతో ఈ వారం చాలా మంది నామినేట్ అయిన సంగతి తెలిసిందే. బిగ్ బాస్ ఎనిమిదో సీజన్ మూడో వారంలో ‘ప్రభావతి 2.O’ టాస్క్ ఇచ్చారు. ఇందులో నిఖిల్ క్లాన్, అభయ్ క్లాన్ లలో ఎవరికి ఎక్కువ గుడ్లు ఉంటే వారే గెలుస్తారు. దీంతో ఇరు జట్ల సభ్యులు గుడ్ల కోసం ప్రయత్నించారు. ఇందులో భాగంగా అమ్మాయిల పట్ల పృథ్వీ వైల్డ్ గా బిహేవ్ చేశాడు. ఇతరులతో గొడవలు పడి విమర్శలకు గురయ్యాడు.
‘ప్రభావతి 2.0’ టాస్క్‌లో భాగంగా గుడ్లు తీసుకుంటుండగా ప్రేరణ, యష్మీ గౌడతో పృథ్వీరాజ్ దురుసుగా ప్రవర్తించాడు. ఇద్దరిని ప్రైవేట్ పార్ట్స్ పట్టుకుని నొక్కేశాడు. అది గమనించిన నబీల్ పృథ్వీని వెళ్లిపొమ్మని చెప్పినా పృథ్వీ వినలేదు. అంతేకాదు, వాటిని చాలా సమయం పాటు అలాగే పట్టుకున్నాడు. ఈ వీడియో ఇప్పుడు వైరల్ అవుతోంది. పృథ్వీరాజ్ శెట్టి దురుసు ప్రవర్తనను యష్మీ గౌడ తేలిగ్గా తీసుకోగా, ప్రేరణ ఏమాత్రం తట్టుకోలేకపోయింది. దీంతో ఆమె అతడిపై అరుస్తూ సంచాలక్ కు పలుమార్లు ఫిర్యాదు చేసింది. అయినా పృథ్వీరాజ్ వినకపోవడంతో ఎలాగోలా విముక్తి పొంది గూబ పగులకొట్టింది. ఈ విషయమై మరోసారి బిగ్ బాస్ షోపై విమర్శలు వెల్లువెత్తుతున్నాయి.