Bigg Boss 8 Telugu Promo : బిగ్ బాస్.. బిగ్గెస్ట్ తెలుగు రియాల్టీ షో.. ప్రస్తుతం మూడో వారంలోకి అడుగుపెట్టింది. సండే ఫండే ఎపిసోడ్ లో శేఖర్ బాషా ఎలిమినేట్ అయిన విషయం తెలిసిందే. అతడిని కావాలనే నామినేట్ చేశారని ఆయన అభిమానులు కూడా ఆరోపిస్తున్నారు. ఇక మూడో వారం నామినేషన్స్ మొదలయ్యాయి. మరి మూడో వారం నామినేషన్స్‌లో ఎవరెవరు ఉండబోతున్నారో అని ఆడియన్స్ ఆసక్తిగా ఎదురు చూస్తున్నారు. తాజాగా ఈ వారం నామినేషన్ లో ఉంది వీరే అంటూ ఓ వార్త నెట్టింట్లో చక్కర్లు కొడుతుంది. అలాగే బిగ్ బాస్ లేటెస్ట్ ఎపిసోడ్ టెలికాస్ట్ అయింది. మరి ఆలస్యం ఎందుకు ఈ వారం నామినేషన్ లో ఉన్నది ఎవరో ఒకసారి చూద్దాం.
మూడో వారానికి గాను 12 హౌస్ మెట్స్ ను శక్తి, కాంతారా అని రెండు క్లాన్ లు గా విభజించిన సంగతి తెలిసిందే.. శక్తి క్లాన్‌కు నిఖిల్, కాంతారా క్లాన్‌కు అభయ్ లు చీఫ్‌లుగా ఉంటారని నాగార్జున చెప్పారు. ఏ క్లాన్‌లోకి వెళ్లాలన్నది కంటెస్టెంట్స్ నిర్ణయానికే వదిలేశాడు నాగ్. దీంతో నిఖిల్ టీమ్‌లోకి విష్ణుప్రియ, పృథ్వీ, సోనియా, శేఖర్ భాషా, సీత, నైనికలు వచ్చారు. అభయ్ టీమ్‌లోకి ప్రేరణ, యష్మీ గౌడ, ఆదిత్య ఓం, నబీల్, నాగమణికంఠలు వెళ్లారు. వీరందరిలో చివరగా ఆదిత్య ఓం, శేఖర్ భాషా మిగిలారు.. ఇద్దరి మధ్య ఒక టాస్క్ పెట్టి శేఖర్ బాషాను ఎలిమినేట్ చేసి పంపించారు. మూడో వారం ఖచ్చితంగా లేడీ వెళ్తుందని ఇప్పటికే సోషల్ మీడియాలో వార్తలు ప్రచారం అవుతున్నాయి..
కంటెస్టెంట్స్ తాము నామినేట్ చేయాలనుకున్న తోటి కంటెస్టెంట్ పై చెత్తను కుమ్మరించి కారణాలు చెప్పాల్సి ఉంటుంది. యష్మీని నామినేట్ చేసిన మణికంఠ తన కారణాలు చెప్పాడు. ఎవరు గిన్నెలు కడుగుతున్నారు, ఎవరు కడగటం లేదు.. అయితే టీంకి పవర్ వచ్చినప్పుడు మాకు ఆ అవసరం లేదని యష్మీగౌడ చెబుతుంది. ఆ మాటతో చిరాకు పడిన మణికంఠ.. నేను మాట్లాడేటప్పుడు ప్లీజ్.. లిజన్ లేడీ అంటూ ఓ రేంజ్ లో ఫైర్ అవుతాడు. నువ్వు నా దగ్గరి కొచ్చి డ్రామాలు చేస్తావ్ అంటూ యష్మీ డైలాగ్ వేస్తుంది. నాకు పర్సన్ క్వాలిటీ నచ్చకపోతే రైజ్ చేస్తానని మణికంఠ చెప్పగా.. నువ్వేంటీ బొక్క రైజ్ అంటూ యష్మీ బూతులు మాట్లాడటం ప్రేక్షకులకు ఆగ్రహం తెప్పించింది.
ఇక ఆ తర్వాత మణికంఠ పై రివెంజ్‌ తీర్చుకునేలా రివర్స్‌లో నామినేట్ చేసింది.. ఈ హౌస్‌లో ఉన్నన్ని రోజులు నిన్ను నామినేషన్స్‌లో తీసుకుంటానని యష్మీ తేల్చి చెబుతుంది. ఇక తాజా ఎపిసోడ్ చూస్తే.. ప్రేరణ ను నబీల్ నామినేట్ చేస్తాడు.. దానికి కారణాలు చూస్తూ ఇద్దరు కాసేపు పెద్ద గొడవ పడతారు.. ఆ గొడవ కాస్త వాదనగా మారుతుంది. నువ్వు అరవకు నీకంటే ఎక్కువ అరవగలుగుతానంటూ నబీల్ రెచ్చిపోతాడు. ఇక మణికంఠ అసలు స్వరూపం చూసి ఆదిత్య షాక్ అవుతాడు. మొత్తానికి ఈ ఎపిసోడ్ కాస్త రచ్చ రచ్చగా ఉంది