Bigg Boss 8 : నాలుగో వారం నామినేషన్ల ప్రక్రియలో కంటెస్టెంట్ల మధ్య మరోసారి డైలాగ్ వార్ నడిచింది. ముఖ్యంగా సోనియా వర్సెస్ యష్మీ.. ఓ రేంజ్ ఫైట్ జరిగింది. ఎవరిని ఎప్పుడు, ఎక్కడ ఎమోషనల్ గా ఉపయోగించుకోవాలో సోనియాకు తెలుసునని.. గేమ్స్ ఆడకుండా.. తన టీమ్ సభ్యులను రెచ్చగొడుతుందని యష్మీ ఆమెను నామినేట్ చేసింది. ఇక సోనియా కూడా తన వెర్షన్ చెప్పడంతో.. యష్మీ మరోసారి స్ట్రాంగ్ కౌంటర్ ఇచ్చింది. ఈ వారం, నబీల్ మొదట సోనియాను నామినేట్ చేసి ఎందుకు నామినేట్ చేస్తున్నాడో వరుసగా పాయింట్లు చెబుతూ వచ్చాడు. ” నేను సంచాలక్ గా కన్ఫ్యూజ్ అయ్యాను అన్నావు. కానీ బెలూన్ టాస్కులో నువ్వు సంచాలక్ గా ఉన్నప్పుడు అభయ్ తప్పు చేసినప్పుడు అక్కడే డిస్ క్వాలీఫై చేయాల్సింది కదా.. నువ్వు అక్కడ కన్ఫ్యూజ్ అయ్యావ్ కదా’’ అని కరెక్ట్ గా అడిగాడు.
రూల్ బుక్ అంత గట్టిగా చదివి వచ్చి చేస్తుంటే.. చదువుకోండి ఫస్ట్ అంటూ మాకు చదువు రాదన్నట్లుగా మాట్లాడావ్.. నేను బయాస్ట్ సంచాలక్ అని చెప్పి.. పెద్ద గొడవ చేసినవ్. ఆ తర్వాత నీతో మాట్లాడుతుంటే గట్టి గట్టిగా నా మీద అరిచావ్.. మళ్లీ అట్లనే నేను మాట్లాడుతుంటే టోన్ టోన్ అంటూ అభయ్, నిఖిల్ నా మీద గొడవకు వచ్చారు.. నువ్వు సంచాలక్.. నేను కంటెస్టెంట్ గా మాట్లాడుతుంటే వాళ్లెందుకు మధ్యలోకి వస్తారంటూ పాయింట్ టూ పాయింట్ అడిగి కడిగేశాడు నబీల్.
మధ్యలో మరో ఇద్దరు వస్తున్నప్పుడు నువ్వైనా వాళ్లకు చెప్పాలి కదా అంటూ నబీల్ చెప్తుండగా.. మరి వాళ్లను మధ్యలోకి తీసుకుని వచ్చింది నువ్వు అంటూ ఏదేదో మాట్లాడింది సోనియా. దీంతో నేను మాట్లాడుతుంటే.. నువ్వు హైదరాబాద్ అంతా తిప్పి తీసుకుని రాకంటూ కౌంటర్ ఇచ్చాడు. ఆ తర్వాత ఫెయిల్డ్ సంచాలక్ అంటూ గట్టి గట్టిగా అరిచింది సోనియా. దీంతో నబీల్ కూడా గట్టిగానే కౌంటర్ ఇచ్చాడు. దీంతో నిఖిల్, పృథ్వీ మరో సారి మధ్యలో వచ్చి నబీల్ తో వాదనకు దిగారు. దీంతో నిఖిల్ నీదా నామినేషన్ నాదా.. నువ్వెందుకు మాట్లాడుతున్నావ్ అంటూ అరిచాడు. అయినా నిఖిల్ పృథ్వీ ఏమాత్రం ఆగకుండా నబీల్ తో వాదనకు దిగడంలో బిగ్ బాస్ కు కంప్లైంట్ చేశాడు. అప్పుడు మధ్యలోకి వచ్చారు. ఇఫ్పుడు మధ్యలోకి వస్తున్నారని చెప్పాడు నబీల్.
సోనియా తర్వాత పృథ్వికి రెండో నామినేషన్ వేశారు. టాస్క్‌లో కోపంతో ఇష్టం వచ్చినట్లు మాట్లాడుతున్నావ్.. నేను బయాస్ ఉన్నానంటూ.. టాస్క్ గురించి కాకుండా నా టోన్ గురించి మాట్లాడావంటూ రీజన్స్ చెప్తుండగా.. మధ్యలోకి వచ్చేసింది సోనియా. పృథ్వీతో మాట్లాడుతుంటే సోనియా నువ్వు ఎందుకు వస్తున్నారని నబీల్ ప్రశ్నించారు. ముగ్గురు కలిసి గ్రూప్ గేమ్ ఆడుతున్నారని నబీల్ చెప్పాడు. ఆ తర్వాత యష్మీ కూడా సోనియాపై మండిపడ్డారు.